Штогод
Дні беларускай і шведскай паэзіі праходзяць у межах Дзён
Швецыі ў Беларусі, якія праводзяцца ў некалькіх гарадах
Беларусі і ўключаюць паэтычныя чытанні, Фестываль сучаснага
шведскага кіно, сустрэчы творчай інтэлегенцыі, прэзентацыі
кніг і выставы.
У гэтым годзе Пінск наведалі шведскія пісьменнікі Астрыд
Тротцыг, Клаўдзія Маркс, Эрык Берквіст. Іх творы ў
літаратурным перакладзе Вольгі Рызмаковай, Насты Лабады і
Дзмітрыя Плакса выконвала артыстка Нацыянальнага тэатра імя
Янкі Купалы Алена Іваннікава. У складзе дэлегацыі Швецыі
былі афіцыйныя асобы: глава місіі Аддзялення ў Мінску
Пасольства Швецыі ў Маскве Стэфан Эрыксан, прадстаўніца
Шведскага Інстытута Хелен Сігеланд, Міжнародны сакратар
Саюза пісьменнікаў Швецыі Хенрык Енбум, вядомая
фотажурналістка Марыя Сёдэрберг. У паэтычным дыялогу культур
бралі ўдзел беларускія паэты і даследчыкі літаратуры:
Уладзімір Някляеў, Леанід Дранько-Майсюк, Віктар Жыбуль,
Вера Бурлак (Джэці).
На літаратурна-музычнай вечарыне выступаў папулярны музыкант
і спявак Зміцер Вайцюшкевіч. Свае песні выконвалі пінскія
музыканты гурта RED CAT.
Ужо стала традыцыяй, што падчас літаратурных чытанняў
мастакі горада прэзентуюць свае творы. Упершыню ў гэтым
годзе выставу склалі жывапісныя і графічныя работы,
зробленыя спецыяльна па матывах беларускіх і шведскіх
вершаў. Аўтары выставы: Надзейка Сярэдзіч, Юлія Чміль,
Віктар Чміль, Таццяна Ганжурава, Аляксандр Ганжураў, Сяргей
Мігалевіч. Госці літаратурных чытанняў маглі пабачыць
слайд-шоў пад назвай Together. (Аўтары канцэпцыі - Надзея
Аўсіевіч і Міхась Еўтуховіч).
Адным з самых цікавых момантаў літаратурных чытанняў у
Пінску з’явіўся Кубак юнацкай паэзіі. У першым туры бралі
ўдзел 32 чалавекі – школьнікі і навучэнцы Пінска, Лунінца і
Лунінецкага раёна. У другі тур выйшлі 10 чалавек.
Пераможцамі Кубка юнацкай паэзіі сталі: Курдзюмава Вольга (І
месца), Найдзёнаў Мікіта (І месца).
Пінск чакае Дні беларускай і шведскай паэзіі-2008!
Наста
Гулак
|
узнагарода пераможцаў Кубка
спявае Зміцер Вайцюшкевіч
Астрыд Тротцыг побач з
ілюстрацыяй свайго твору |
